Рэалізацыя міжнароднай дзейнасці ў нацыянальнай сістэме адукацыі, ажыццяўленне дзяржаўнай палітыкі ў галіне падрыхтоўкі нацыянальных кадраў для замежных краін ва ўстановах адукацыі Рэспублікі Беларусь
Асноўнымі задачамі ўпраўлення з’яўляюцца:
- распрацоўка заканадаўчых i iншых нарматыўных прававых актаў па пытаннях арганізацыі і ажыццяўлення міжнароднай дзейнасці ў сферы адукацыі;
- забеспячэнне каардынацыі міжнароднай дзейнасці ўстаноў адукацыі Рэспублікі Беларусь;
- садзейнічанне развіццю мабільнасці студэнтаў, педагагічных і навуковых работнікаў.
Упраўленне ў адпаведнасці з ускладзенымі на яго задачамі ажыццяўляе наступныя функцыі:
- удзельнічае ў распрацоўцы і рэалізацыі нарматыўных прававых актаў у галіне міжнароднага супрацоўніцтва, комплексных і мэтавых праграм мабільнасці;
- распрацоўвае, узгадняе праекты нарматыўных прававых актаў, пагадненняў, канцэпцый, дзяржаўных праграм у галіне развіцця міжнароднага супрацоўніцтва;
- ажыццяўляе падрыхтоўку прапаноў і рэалізацыю планаў па ўдзеле Рэспублікі Беларусь у інтэграцыйных працэсах у рамках Саюзнай дзяржавы, Еўразійскага эканамічнага Саюза, Садружнасці Незалежных Дзяржаў па пытаннях, аднесеных да яго кампетэнцыi;
- ажыццяўляе метадычную і кансультатыўную падтрымку падведамных (падпарадкаваных) устаноў адукацыі па пытаннях рэалізацыі прамых дагавораў аб супрацоўніцтве з замежнымі партнёрамі і міжнародных сувязяў у цэлым;
- арганізуе сумесна са структурнымі падраздзяленнямі Міністэрства адукацыі рэалізацыю міждзяржаўных і міжведамасных дагавораў, міжнародных праграм і праектаў у сферы адукацыі;
- аналізуе і кантралюе дзейнасць устаноў адукацыі па пытаннях міжнароднага супрацоўніцтва, у тым ліку прыёму, навучання і знаходжання ў Рэспубліцы Беларусь замежных грамадзян;
- падтрымлівае ў рамках сваёй кампетэнцыі сувязі з замежнымі ўстановамі, арганізацыямі і навучальнымі ўстановамі, міжнароднымі арганізацыямі, дыпламатычнымі і консульскімі ўстановамі замежных дзяржаў у Рэспубліцы Беларусь;
- ажыццяўляе абагульненне і аналіз эфектыўнасці службовых камандзіровак за мяжу работнікаў апарату Міністэрства адукацыі, падведамных (падпарадкаваных) устаноў вышэйшай адукацыі;
- садзейнічае ўстановам адукацыі ў рабоце па прыцягненні на вучобу ў Рэспубліку Беларусь замежных грамадзян, у тым ліку прадстаўнікоў беларускай дыяспары замежжа;
- арганізуе нацыянальныя экспазіцыі адукацыйных паслуг устаноў адукацыі на міжнародных выставах, праводзіць адукацыйныя мерапрыемствы па пытаннях рэалізацыі дзяржаўнай палітыкі ў сферы міжнароднага супрацоўніцтва.