Министерство образования Республики Беларусь

Канкурэнтаздольныя ў навуцы — паспяховыя ў жыцці

Опубликовано: 18.05.2018

26 Torzhestvennaya ceremoniya nagrazhdeniya - копия.JPG

У Беларускім дзяржаўным педагагічным універсітэце імя Максіма Танка адбылася ўрачыстая цырымонія ўзнагароджання лаўрэатаў XXIV Рэспубліканскага конкурсу навуковых работ студэнтаў. У ёй прынялі ўдзел першы намеснік міністра адукацыі Вадзім Богуш, старшыня Дзяржаўнага камітэта па навуцы і тэхналогіях Рэспублікі Беларусь Аляксандр Шумілін, акадэмік-сакратар аддзялення фізікі, матэматыкі і інфарматыкі Нацыянальнай акадэміі навук Беларусі акадэмік Валянцін Арловіч, рэктар БДПУ імя Максіма Танка Аляксандр Жук.
Рэспубліканскі конкурс навуковых работ студэнтаў праводзіцца з мэтай актывізацыі навукова-даследчай дзейнасці моладзі. З кожным годам ён прыцягвае ўсё больш і больш студэнтаў. Сёлета ў ім раскрылі свой творчы патэнцыял і прадэманстравалі навуковыя дасягненні амаль 4 тысячы чалавек з 55 устаноў вышэйшай адукацыі. Лаўрэатамі спаборніцтваў сталі 85 студэнтаў, магістрантаў, у тым ліку выпускнікоў магістратуры, якія скончылі навучанне ва ўстановах вышэйшай адукацыі ў 2017 годзе.
02 Torzhestvennaya ceremoniya nagrazhdeniya.JPG

— У гэтай зале сабраліся людзі, якія добра разумеюць не толькі пытанні, звязаныя з авалоданнем новымі ведамі ці стварэннем новых тэхналогій, але і што такое навуковае даследаванне, генерацыя новых ведаў і які шлях трэба прайсці ад навуковай ідэі да яе рэалізацыі ў прадукце ці на канкрэтным прадпрыемстве. Конкурс паказаў, што гэта абсалютна абгрунтаванае сцвярджэнне, — звярнуўся да прысутных, адкрываючы цырымонію ўзнагароджання, старшыня аргкамітэта конкурсу першы намеснік міністра адукацыі Вадзім Богуш. — Вялікая колькасць конкурсных работ мае акты, якія пацвярджаюць выкарыстанне іх вынікаў. Некаторыя з вас, нягледзячы на тое, што пакарылі толькі першыя прыступкі ў навуковай дзейнасці, ужо дайшлі да такога важнага кроку, які тычыцца абароны інтэлектуальнай уласнасці, і афармлялі заяўкі на вынаходніцтвы, карысныя мадэлі і г.д. Шчыра жадаю поспехаў, самарэалізацыі і, самае галоўнае, знайсці сябе ў навуцы, бо гэта тая дзейнасць, якая дасць магчымасць не толькі зрабіць штосьці карыснае, але яшчэ і забяспечыць развіццё і рэалізацыю тых ідэй, якія ўзнікнуць у будучыні. Ні адна творчая задача не вырашаецца без выкарыстання навуковых падыходаў. Вялікі дзякуй педагогам, без чыёй падтрымкі вашых высокіх вынікаў проста не было б!
14 Torzhestvennaya ceremoniya nagrazhdeniya.JPG

Звання лаўрэатаў удастоены прадстаўнікі Акадэміі МУС: выпускніца магістратуры Ганна Матыліцкая і выпускнік факультэта міліцыі Сяргей Пятліцкі. Ганна перамагла з навуковай работай “Абарона камерцыйнай таямніцы і яе характэрныя асаблівасці”, а Сяргей паспяхова рэалізаваў даследаванне па тэме “Прававыя асновы і асаблівасці абароны асоб, якія аказваюць садзейнічанне на канфідэнцыяльнай аснове, прымаюць удзел у крымiнальным працэсе і аператыўна-пошукавай дзейнасці”. Дарэчы, Сяргей ужо быў заахвочаны за перамогу ў леташнім конкурсе прэміяй Спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў.
18 Torzhestvennaya ceremoniya nagrazhdeniya.JPG

Сярод лаўрэатаў — прадстаўнікі БДПУ імя Максіма Танка: выпускніца магістратуры Таццяна Сталовіч з работай “Інтэнсіфікацыя пазнавальнай дзейнасці навучэнцаў каледжа на аснове прымяненння электронных сродкаў навучання” (навуковы кіраўнік — кандыдат педагагічных навук дацэнт Вераніка Пунчык), выпусніца магістратуры Наталля Угляніца з даследаваннем “Стратэгіі пераадолення крызісных падзей жыццёвага шляху ў падлеткаў з замяшчальных сем’яў” (навуковы кіраўнік — кандыдат псіхалагічных навук дацэнт Наталля Пузырэвіч), магістрант Марыя Рак з даследаваннем “Методыка навучання сучаснай беларускай прозе з выкарыстаннем ЭАР (на матэрыяле творчасці Людмілы Рублеўскай)”, навуковы кіраўнік — кандыдат філалагічных навук дацэнт Ірына Гоўзіч.
Ад імя пераможцаў конкурсу словы ўдзячнасці выказала выпускніца магістратуры БДПУ імя Максіма Танка Таццяна Сталовіч: “Мы высока цэнім тую каласальную дапамогу, якую аказваюць у нашай дзяржаве для развіцця творчых здольнасцей. З іншага боку, мы разумеем тую ступень адказнасці, якую ўскладаюць на нас, маладое пакаленне, за будучыню нашай краіны. Гады вучобы ва ўніверсітэце — гэта час асобаснага і прафесійнага самавызначэння. Менавіта ў студэнцтве закладваецца фундамент для будучай дзейнасці. Правядзенне навуковых даследаванняў якраз і стала нашай любімай справай. Нашы навуковыя погляды фарміраваліся ў працэсе работы з навуковымі кіраўнікамі. Менавіта з іх дапамогай і былі рэалізаваны нашы думкі. Шчырыя словы ўдзячнасці нашым кіраўнікам і выкладчыкам!” — падкрэсліла Таццяна.

Наталля КАЛЯДЗІЧ для прэс-цэнтра Міністэрства адукацыі.
Вернуться к списку новостей