20172016201520142013201220112010
25 студзеня 2017
« БРАМАМАР-ЮНІ» збірае маладых і таленавітых!

Конкурс літаратурнай творчасці школьнікаў “БрамаМар-ЮНІ” пачынае прымаць працы.

Інстытут журналістыкі БДУ і Нацыянальны інстытут адукацыі распачынаюць чарговы рэспубліканскі літаратурны конкурс для школьнікаў “БрамаМар-ЮНІ”.

Ужо добра вядомы школьнікам конкурс літаратурнай творчасці “БрамаМар-ЮНІ” – выдатны шанец для вучняў старэйшых класаў выявіць свае мастацкія здольнасці і зрабіць першы або чарговы крок да літаратурнай мары.

Як і заўсёды, ацэньваць працы удзельнікаў будуць вядомыя пісьменнікі і паэты, аўтарытэтныя крытыкі і літаратуразнаўцы.

Прафесіяналы правядуць карысныя майстар-класы, якія стануць новым штуршком у творчым развіцці ўдзельнікаў “БрамаМар-ЮНІ”.

Праект “БрамаМар-ЮНІ” скіраваны на:

• пашырэнне творчых сувязей паміж установамі вышэйшай і агульнай сярэдняй адукацыі;
• актывізацыю прафарыентацыйнай працы (матывацыю будучых абітурыентаў для паступлення на творчыя спецыяльнасці Інстытута журналістыкі);
• забеспячэнне для школьнікаў магчымасці атрымаць прафесійнае меркаванне пра іх мастацкія творы, наладзіць кантакты з сучаснымі беларускімі аўтарамі;
• прыцягненне ўвагі літаратурна-мастацкіх СМІ да таленавітай моладзі;
• стварэнне ўмоў для камунікацыі паміж рознымі пакаленнямі творцаў у межах праекта.

Эксклюзіўны слоган школьнага конкурса: “Брамамар — дакраніся да сваей мары”.

Конкурс пройдзе ў два этапы:

• Першы этап – з 15 студзеня па 1 сакавіка 2017 г.
• Другі этап (правядзенне майстар-класаў, фінал конкурса і узнагароджанне пераможцаў) – 29 красавіка.

Сярод намінацый для вучняў 9–11 класаў прадстаўлены:

• Проза (у тым ліку фантастыка);
• Паэзія.

Кантакты:

Настасся Капцава – (+375 33) 675-60-63 (мтс);
Святлана Курганава – (+375 29) 842-68-39 (мтс);
Вераніка Пупкевіч – (+375 44) 552-21-95 (vel);
Уладзімір Анатольевіч (куратар праекту) – 80298504849
e-mail kaptsev21@tut.by;

Суполка у сацыяльнай сетцы “Укантакце”: vk.com/bramamar;

Скрыня “БрамаМар-Юні”: BramaMarUni2017@gmail.com.

Патрабаванні да афармлення:

• Працы на конкурс прымаюцца на беларускай і рускай мовах у электронным фармаце (графічны рэдактар Wоrd; шрыфт Times New Roman, кегль — 14 пт, інтэрвал — адзінарны, усе палі — па 2 см).
• У намінацыі “Проза” да разгляду прымаюцца творы розных жанраў (апавяданне, навела, аповесць і інш.) памерам да 15 тыс. сімвалаў без прабелаў.
• У намінацыю “Проза” таксама прымаюцца творы фантастычнага жанру.
• У намінацыі “Паэзія” да разгляду прымаюцца творы памерам да 3,5 тыс. сімвалаў без прабелаў.

Працы дасылаюцца на BramaMarUni2017@gmail.com з 15 студзеня да 1 сакавіка 2017 г.

На першай старонцы тэкставага дакумента ўдзельнік павінен пазначыць: імя і прозвішча; узрост; клас; поўную назву ўстановы адукацыі (школа, гімназія, ліцэй); горад, вёска, пасёлак; намінацыя; назву працы (прац), якія дасылаюцца на конкурс.

Прэс-цэнтр Міністэрства адукацыі